Me Botërorin e Katarit që starton në më pak se një muaj, lojtarët i druhen gjithnjë e më shumë dëmtimeve pasi koha për t’u rikuperuar mund të jetë e pamjaftueshme. Së fundmi, ai që përjeton ankthin e rikuperimit në kohë për Botërorin është Rafael Varane.
Mbrojtësi i Manchester United u dëmtua në ndeshjen ndaj Chelseat, ndërsa u duk se bëhet fjalë për një problem serioz në momentin që francezi la fushën e lojës me lot në sy.
Tashmë, duhen kryer analizat e detajuara dhe të pritet përgjigja e tyre, por ndjesia e vetë Varane është tejet negative ndërsa padyshim në ankth për mbrojtësin është edhe trajneri i Francës, Didier Deschamp, i cili e konsideron një element shumë të rëndësishëm ish-lojtarin e Real Madrid.