Lukas Podolski ka realizuar një kryevepër në kampionatin polak të futbollit, një gol kandidat potencial për fitimin e çmimit “Puskas”, që FIFA i dhuron golit më të bukur të vitit.
Gornik Zabrze fitoi 1-4 në fushën e Pogon Szczecin, ndërkohë që ish-sulmuesi i kombëtares gjermane realizoi golin e katërt për ekipin e tij – i dyti sezonal për të në kampionat.
37-vjeçari pa daljen e portierit kundërshtar dhe dhuroi “show” me një gjuajtje nga rreth 60 metra, që u ndal në rrjetën kundërshtare.