Tension dhe përplasje në ndeshjen Istra-Hajduk Split, e vlefshme për javën e 16-të në elitën e futbollit kroat.
Hajduku kryesues, që këtë sezon ka si objektiv rikthimin te titulli kampion pas 19 vitesh, ekip ku luan edhe Leon Dajaku, triumfoi 0-2.
Golin e parë e realizoi Emir Sahiti. Sulmuesi i djathtë dardan tundi rrjetën kundërshtare me një diagonale të bukur në minutën e 16’.
Ndërkohë që 11 minuta më vonë u bë protagonist i një përplasjeje fizike me Mladen Devetak, mbrojtësin e majtë serb të Istrës.
Në këtë rast nuk mungoi ndërhyrja e lojtarëve të tjerë, me arbitrin kryesor që në fund ndëshkoi me të verdhë Marko Livajën, kapitenin e Hajdukut.
Më e rëndë ishte ajo që ndodhi pas përfundimit të takimit, ku ultras të Hajdukut u futën në fushë dhe u përleshën me forcat e sigurisë.