Shefi i famshëm turk i kuzhinës, Nusret Gokce, i ka publikuar pamjet nga vizita që kanë bëtë futbollistët e Brazilit në restorantin e tij në Doha të Katarit.
Vizita ka ndodhur gjatë pushimit të skuadrës së Selecaos, të martën, pas fitores ndaj Zvicrës në Kampionatin Botëror.
Në videon e publikuar nga përgatitësi i popullarizuar i mishit që e ka nofkën Salt Bae, shfaqet futbollistët, si Vinicius Jr., Eder Militao e Gabriel Jesus. Së bashku me ta ndodhej edhe legjenda e Brazilit, ‘Fenomeni’ Ronaldo.
Me këtë rast, të gjithë e shijuan mishin e shijshëm të përgatitur nga Gokce, i cili i ka mësuar brazilianët si t’ia japin ‘prekjen finalen’ pjatës.
“Natë e shkëlqyer, me ekip të shkëlqyer”, ka shkruar kuzhinieri duke i falënderuar yjet e Brazilit për vizitën e tyre.
Reklama
Në restorantin e Gokces në Katar kanë shkuar edhe shumë emra tjetër të njohur të futbollit gjatë këtij Kampionati Botëror duke e përfshirë edhe presidentin e FIFA-s, Gianni Infantino.