Vjen edhe zyrtarizimi i transferimit të Ernest Muçit te Beshiktashi në Superligën turke. Klub që do të paguajë 10 mln euro në arkat e Legias së Varshavës për shërbimet e 22-vjeçarit.
Sulmuesi i kombëtares shqiptare (7 ndeshje dhe 2 gola me kuqezinjtë) do të jetë pjesë e skuadrës nga Stambolli deri në verën e vitit 2027.
Nga ky operacion do të përfitojë edhe Tirana, që ka ruajtur 10% të kartonit të Muçit. Talenti shqiptar do të përfitojë rreth 1.8 mln euro në sezon nga kontrata me Beshiktashin.
“Mirësevjen te Beshiktashi“, lexohet mbi videon e 16 herë kampionëve të Turqisë në rrjetet sociale.