Presidentja e Republikës së Kosovës, Vjosa Osmani e ka pritur sot ekipin e Ballkanit, në prag të ndeshjes së rëndësishme në Ligën e Konferencës, e cila do të zhvillohet nesër mbrëma me Sivassporin.
Zonja Osmani i ka uruar therandasit për arritjet e deritashme në garat evropiane, ndërsa iu ka uruar suksese në vazhdim të rrugës në ku ka uruar suksese therandasve.
Ndërkohë, në konferencë për shtyp, trajneri Ilir Daja e ka zbuluar bisedën që e kishte ekipi suharekas me presidenten Osmani, e cila ua bëri atyre një premtim të madh.
“Duhet të vijojmë ta bëjmë të njëjtën paraqitje. Renditja e kampionatit kosovar është ngritur. Presidentja në takimin e sotëm na tha se në politikat e Qeverisë është plani për ndërtimin e stadiumit të ri, i cili do të jetë ndoshta më i mirë se ai aktuali”, tha trajneri nga Shqipëria.
“Duhet të investojmë në infrastrukturë dhe në akademi. Nëse kemi fusha ku të stërvitemi do të prodhojmë edhe më shumë talentë”, përfundoi trajneri i Ballkanit.
Krahas lojtarëve dhe shtabit teknik, i pranishëm në takim ishte edhe presidenti i klubit Portokalli, Arsim Kabashi.