Cristiano Ronaldo ka kundër edhe reshjet e shiut. Prezantimi i CR7 në Arabinë Saudite u prit me interes nga tifozët, të cilët mezi presin të shohin debutimin e portugezit me fanellën e Al Nassr.
Furtuna dhe reshjet e dendura të shiut në Riad kanë bërë që ndeshja e javës së 12-të mes Al Nassr dhe Al Taee të shtyhet për nesër. E programuar për sot, dueli nuk mundi të zhvillohej pasi në impianin “Mesool Park” mungon energjia elektrike dhe zona rreth tij është e përmbytur.
Ronaldo vijon të ketë një dënim nga Federata Angleze e Futbollit me dy ndeshje për shkak se në nxehje e sipër theu pa dashje një telefon të një tifozi, me sulmuesin që ka apeluar dënimin. Tanimë fansat janë në pritje të ditës së premte, teksa shpresojnë të shohin Ronaldon në fushë.
