Arsenali ka pësuar humbjen e parë sezonale në shtëpi duke lëshuar rastin për t’u rikthyer në krye të tabelës në Premier League. Ekipi i Mikel Artetas u mposht të enjten 2:0 nga West Hami.
Tomas Soucek realizoi golin e parë në minutën e 13-të.
Gjatë gjithë kohës, “Topçinjtë” patën iniciativën, por 10 minuta pas nisjes së pjesës së dytë, u ndëshkuan nga ish-lojtari i tyre, Konstantinos Mavropanos. Greku realizoi me kokë për 2:0.
Në sekondat e fundit, Said Benrahma humbi penalltinë dhe rastin për të çuar në tre gola, epërsinë ndaj Arsenalit.
Pas gjysmës së sezonit, Liverpooli prin në Angli me 42 pikë të tubuara. Arsenali ka dy pikë më pak në pozitën e dytë.