Tekniku spanjoll, Xavi Hernandez, ka vendosur përfundimisht për t’u larguar nga stoli i Barcelonës me të përfunduar sezoni aktual.
Këtë e ka konfirmuar vet Xavi në konferencën për shtyp pas humbjes ndaj Villarrealit me rezultat 5-3.
“Më 30 qershor unë do të largohem nga klubi. Është një vendim që e kemi diskutuar së bashku me presidentin dhe me stafin. Barçës i duhej një ndryshim”, ka thënë Xavi.
“Si një ‘cule’ mendoj se ka ardhur koha që të largohem. Ne kemi arritur në një pikë ku nuk ka kthim”, përfundoi ai.