Granit Xhaka është fajësuar nga mediumi anglez “Express” për kthimin e Liverpoolit në lojë në derbin ndaj Arsenalit. Në minutën e 41-të, Xhaka e Trent Alexander-Arnold kishin një përplasje dhe dy lojtarët u ndëshkuan me të vërdhe.
Menjëherë në minutën e 42-të, Liverpooli shënoi golin e parë dhe ngushtoi rezultatin në 2:1. Më pas tifozët e Liverpoolit u ngjallën dhe Arsenali mbeti pa fitore. Ndeshja përfundoi 2:2.
Sipas gazetës angleze, Xhaka po kalon edicionin më të mirë tek Arsenali, por duhet fajësuar për kthimin e Liverpoolit në lojë.
“Përplasja e Xhakës me Alexander-Arnold ka zgjuar si tifozërinë ashtu edhe lojtarët e Liverpoolit. Për të qenë i suksesshëm duhet të mbani masën të heshtur. Ai ka bërë pikërisht të kundërtën”, ka shkruar Express.
Për këtë moment është pyetur edhe trajneri i Liverpoolit, Mikel Arteta. Por ai ka mohuar që të ketë qenë pikë kthese në lojë. Ndërkohë analistët Jamie Carragher dhe Gary Neville kanë vlerësuar se Xhaka ka ndikuar që masa të ndizet. Carragher ka thënë se nuk mund ta kuptojë veprimin e Xhakës.