Xherdan Shaqiri është ndarë i kënaqur që u paraqit në fushë pas një kohe të gjatë. Por, ai është i mërzitur me disfatën që Zvicra e pësoi nga Gana në miqësoren e fundit para të nis Botërori në Katar.
“Është e bukur të rikthehesh në fushë. Në këto nxehtësi sigurisht se nuk ishte lehtë. Por, nuk është rezultati që donim. Me siguri mund ta shikoni se isha në humor të mirë, edhe pse nuk isha mjaft në ritëm. Kishim një udhëtim të gjatë para kësaj ndeshje. Ne do të përpiqemi të bëjmë më mirë dh të luftojmë në çdo ndeshje. Ka pak gjëra për t’u përmirësuar. Ne të gjithë duam ta rrisim atë një shallë. Shpresoj që skuadra të jetë gati për Botëror”, ka thënë Shaqiri pas ndeshjes.
Shaqiri luajti deri në fund të takimit miqësore ndaj Ganës. Zvicra është në grupin G bashkë me Brazilin, Serbinë dhe Kamerunin.