Vazhdojnë sukseset e xhudos kosovare edhe në kategori të reja. Të shtunën, Laurinë Gashi fitoi medaljen e artë në Kupën Evropiane për kadetë (U18) të mbajtur në Riga të Letonisë.
Gashi garoi në kategorinë deri 52 kilogramë, ndërsa në finale e mposhti Rugite Maroziaten e Lituanisë.
Në gjysmëfinale xhudistja pejane ishte më e mirë se Mariia Vasiuta e Ukrainës. Ndërsa në duelin e parë e mposhti finlandezen Pihla-Maria Seikkula.
Laurinë Gashi është pjesë e klubit Kodokan dhe vlerësohet me potencial. Ka pasur edhe më herët suksese në grupmoshën e kadeteve.