Selektori i Zvicrës, Murat Yakin nuk ka dashur të jap asnjë koment në lidhje me veprimin e Xhakës ndaj Serbisë. Ai ka thënë se fokusi i ekipit zviceran është në ndeshjen kundër Portugalisë në 1/8 e finales të Kupës së Botës.
Ndeshjen ndaj portugezëve, Zvicra e luan të martën nga ora 20:00.
“Unë jam një trajner që shikon përpara. Ajo që ndodhi nuk ka më nevojë të diskutohet. Ishte një lojë e veçantë, ne ia dolëm dhe tani jemi të përqendruar për ndeshjen kundër Portugalisë”, ka thënë Yakin të hënën në konferencën për media.
Xhaka dhe Shaqiri ishin ndër lojtarët më të mirë të Zvicrës në përballjen ndaj Serbisë. Zvicra me fitoren 3:2 siguroi kalimin në fazën nokaut të Botërorit. Për Xhakën ka folur edhe Breel Embolo. Ai ka thënë se Xhaka ndihmon lojtart e rinj të ekipit zviceran. “Është e vështirë të thuhet se ky është brezi më i mirë në Zvicër. Me Behramin, Senderosin dhe Fernandesin, Zvicra ishte e mbushur me lojtar të mëdhenj. E sigurt është se lojtarët si Xhaka i ndihmojnë lojtarët e rinj. Kjo është shumë e rëndësishme”, ka theksuar Embolo.