Golden Eagle Ylli është gjobitur me 1700 euro për dhunën e shfaqur në finalen e Superkupës së Kosovës në basketboll. Ylli ishte organizator i turneut, ndërsa në finale u paraqitën Trepça dhe Peja. Finalja u shoqërua me incidente të rënda. Klubet finaliste nuk u gjobitën dhe kjo ka bërë që Golden Eagle Ylli të akuzojë Komisionin e Garave të FBK-së për kritere të dyfishta.
“Shqetësimi ynë qëndron te këto kritere që vitin e kaluar pas eskalimit të situatës janë shqiptuar dënime për dy ekipet pjesëmarrëse në finale e jo organizatori. Këtë vit ndodhë e kundërta, dënohet organizatori e jo ekipet pjesëmarrëse”, ka shkruar Ylli i Suharekës.
Ky klub ka paralajmëruar kallëzim penal për demolimin e palestrës “13 Qershori”. Nuk ka njoftuar se ndaj kujt do ta bëjë kallëzimin penal.