David Beckham është parë në pushime në shoqërinë e Luka Modric. Tfizët e Inter Miami ëndërrojnë që kampioni kroat të jetë shoku i ri i skuadrës i Lionel Messi-t, Sergio Busquets dhe Jordi Alba-s.
Victoria Beckham ka publikuar fotografitë nga Sipan, një ishull i Kroacisë, duke ndezur ëndrrat e tifozëve të klubit amerikan. Beckham është fotografuar teksa bisedonte me Modric.
Kanë qenë të shumta komentet pas postimit që u bë viral në rrjetet sociale (mbi 7 milionë like në Twitter). Ka nga ata që kanë shkruar: “Mendoj se Modric do të kalojë te Burger League”. Një tjetër ka thënë: “Po kërkon ta bindë të transferohet tek Inter Miami”.
Vetëm koha do të zbulojë planet e Beckham, i cili, nëse do të arrije me të vërtetë ta marrë Modric në MLS, do ta bënte kampionatin amerikan akoma më kompetitiv.