Golden Eagle Ylli ka nxjerrë në shitje biletat për ndeshjen e katërt të finales së plejofit ndaj Trepçës.
Ndeshja zhvillohet të dielën nga ora 17:00 në Suharekë. Rezultati pas tri ndeshjeve finale në plejofin e Superligës së Kosovës në basketboll është 2:1 në të mirë të Trepçës.
Ylli ka njoftuar se biletat mund të blihen vetëm duke e prezantuar letërnjoftimin. Kjo bëhet që në palestër të ketë tifozë suharekas e jo që shumica të jenë nga Mitrovica. Kjo kishte ndodhur në ndeshjen e dytë të serisë finale. Më shumë se gjysma e tifozëve në “13 Qershori” ishin mitrovicas.
Seria finale e plejofit po përcillet me interesim shumë të madh nga tifozët.
“Biletat shiten vetëm me letërnjoftim dhe e njëjta biletë në hyrje të palestrës vlenë nëse e keni letërnjoftimin. Në të kundërtën nuk lejohet hyrja”, shkruan në njoftimin e Yllit.
Skuadra që i shënon tri fitore shpallet kampione.