Golden Eagle Ylli e ka humbur edhe ndeshjen e dytë në kuadër të fazës së grupeve të FIBA Europe Cup.
Të mërkurën mbrëma, Ylli pësoi thellë në ndeshjen e luajtur në Gjermani nga Niners Chemnitz.
Dueli që i takoi Grupit A, përfundoi me shifrat 90:60 në të mirë të ekipit nga Bundesliga gjermane.
Gjatë tërë ndeshjes Chemnitzi ishte bindshëm më i mirë se Ylli. Skuadra vendase gjatë tërë kohës ka qenë në epërsi ndaj kampionit në fuqi të Kosovës, të cilit ia shkaktoi humbjen e dytë rresht. Skuadra nga Suhareka e fitoi vetëm çerekun e katërt (19:17), por kjo nuk pati ndonjë vlerë për shkak të avantazhit të thellë që e kishte krijuar Chemnitzi. Arnas Velicka me pikë ishte më i dalluari te Chemnitzi, i përcjell nga Kevin Yebo me 17 sosh.
Te Ylli, vetëm Rashun Davis e Jay Threat e mbyllën ndeshjen me pikë dyshifrore. Davis pati 14 pikë të shënuara, ndërsa Threat e mbylli ndeshjen me 15 pikë. Ndeshjen e radhës, Ylli e luan javën e ardhshme në udhëtim te skuadra Bamberg Brose që ka dy fitore në po aq ndeshje të luajtura.