Arbër Zeneli dhe Besant Celina ishin protagonistë në ndeshjen mes skuadrave të tyre, Elfsborg – AIK, që u mbyll 6-1 për vendasit.
Kjo ndeshje i takoi xhiros së nëntë të elitës së futbollit suedez, ku Zeneli asistoi në golin e dytë dhe të tretë të Elfsborgut, kurse Celina e realizoi golin e vetëm të mysafirëve.
Zeneli asistoi në minutat 18′ dhe 45′, ndërsa Bersant Celina gjeti golin në minutën e 73-të me gjuajtje të saktë nga distanca.
Ahmed Qasemi me het-trik ishte lojtar i ndeshjes (9.0), por edhe Zeneli dhe Celina morën nota të mira nga SofaScore.
Arbër Zeneli që u zëvendësua në minutën e 79-të, u vlerësua me notën 8.6, ndërsa Celina që kompletoi ndeshjen për AIK, ishte më i miri te skuadra e tij me notën 7.8.
Sezoni në Suedi sapo ka filluar, me Elfsborgun që zë vendin e tetë me 13 pikë, një më pak se AIK-u që është i shtati.
