Suspendimi i tre futbollistëve të Kombëtares së Kosovës, Arjanet Muriç, Edon Zhegrova dhe Florent Muslija, ka hapur debat të gjerë në opinionin kosovar.
Një i tillë është zhvilluar edhe mbrëmë në emisionin “Sport show”.
Ish-futbollisti dhe tash trajner – opinionist Arben Zeqiri, e ka përkrahur vendimin e trajnerit Franco Foda.
“Edon Zhegrova është lojtar fantastik dhe ka gabuar pasi është ra pre e Arjanet Muriç. Zhegrova ka familje fantastike dhe jam i bindur që edhe prindërit e tij nuk e mbështesin një veprim të tillë. Por ajo që dua të them është se sikur unë të isha trajner, kurrë më nuk do ta kisha ftuar portierin Arjanet Muriç. Kjo nuk është hera e pare që bënë ai kësi veprime. Tre portierë i kemi që mundemi me zëvendesu. Ky veç po bie në karrierë pikërisht, për shkak të sjelljes së tij”, ka thënë Zeqiri. /GazetaSport