Facebook
    GazetaSport
    • Futboll vendor
    • Futboll ndërkombëtar
    • Sporte tjera
    • ShowSport
    • Fun
    Facebook
    GazetaSport
    Zhegrova, dribluesi i çmendur i Lillet
    Ballina-1

    Zhegrova, dribluesi i çmendur i Lillet

    09/12/2024 22:13
    Facebook Twitter Pinterest LinkedIn Tumblr Email

    Me të është gjithmonë e njëjta këngë. Kur merr topin në anën e djathtë shikon mbrojtësin që ka përpara, pastaj furishëm, përmes lëvizjeve teknike, ose gjuan ose pason, shkruan sajti i kampionatit francez, “Ligue 1” të hënën. Edon Zhegrova është një lojtar i paparashikueshëm dhe i pakapshëm në të njëjtën kohë, si Arjen Robben, një tjetër lojtar që ka luajtur me këmbë të majtë i pozicionuar në krahun e djathtë. Kosovari padyshim ëndërron një karrierë të ngjashme të holandezit, I cili luajti për Chelsean, Real Madridin dhe Bayern Munchenin. 

    Për t’i dëshmuar aftësitë e tij, 25-vjeçari zgjodhi një skenë shumë të madhe – Ligën e Kampionëve. Ai shkëlqeu ndaj ekipeve të mëdha si Real Madrid, Atletico Madrid dhe Juventus.

    Ashtu si në “Ligue 1” të Francës, lojtari i Lillet nuk ka frikë nga asgjë dhe shton driblimet në krahun e tij. Një provokator i lindur, ai është thjesht lojtari që ka tentuar më shumë driblime në Ligën e Kampionëve këtë edicion. Plot 39 herë. Është para Rafael Leaos së Milanit dhe Viniciusit që kanë tentuar të driblojnë kundërshtarët në 32 raste. 

    Por Zhegrova është i katërti kur bëhet fjalë për saktësinë e driblimeve. Të sakta i ka pasur vetëm 17. Megjithatë, Zhegrova është ende rekordmen për numrin e driblimeve të tentuara në një ndeshje të Ligës së Kampionëve. Ndaj Juventusit ai tentoi 14 herë të driblojë. 

    Por të sakta i ka pasur vetëm tetë ndaj Juventusit dhe kjo ka bërë që ai të mbetet në vendin e tretë për numrin e saktë të driblimeve në një ndeshje të Championsit. 

    Zhegrova të mërkurën do ta ketë një tjetër mundësi për t’i treguar aftësitë e tij. Lille e pret Sturm Grazin në kuadër të xhiros së gjashtë të Ligës së Kampionëve. Ndeshja Lille – Sturm Graz luhet nga ora 18:45. 

    Në Champions, Lille është në vendin e 12-të me dhjetë pikë.

    TË LIDHURA

    Tronditet bota e sportit/ Gjendet i pajetë në shtëpinë e tij legjenda e boksit, disa javë para rikthimit të tij në ring

    14/09/2025 14:04

    Sot ndeshjet e javës së katërt, vëmendja te Prishtina – Drita

    14/09/2025 10:59

    VIDEO | Lumbardh Dellova shënon nga më shumë se gjysma e fushës

    13/09/2025 20:43

    Juventus fiton derbin dramatik ndaj Interit

    13/09/2025 20:05
    IMPRESSUM

    Your source for the sport

    Type above and press Enter to search. Press Esc to cancel.