Futbollisti i Kombëtares së Kosovës, Edon Zhegrova, ka pritur sonte në Paris kryetarin e Lidhjes Demokratike të Kosovës (LDK), Lumir Abdixhiku.
23-vjeçari, i cili aktivizohet te skuadra franceze, Lille, ia dhuroi politikanit kosovar fanellën e tij.
Abdixhiku u shpreh i nderuar nga pritja e Zhegrovës, për të cilin tha se ka një të ardhme të ndritshme.
Postimi i plotë nga Abdixhiku:
“I nderuar shumë nga pritja e Edon Zhegrovës sonte në Paris; një djalë i jashtëzakonshëm. Mora dhe një dhuratë të çmueshme nga ai.
Paraqitjet e tij në Lille këtë vit janë impresive. Rafael Leao, Victor Osimhen, Eden Hazard, Gabriel Magalhaes e Mike Maignan – të gjithë këta e të tjerë plot, kanë shpërthyer në skenën botërore pikërisht nga klubi i tanishëm i tij. Edoni është mu në këtë trajektore tani. E ardhmja e tij është e ndritshme. E ardhmja e Kosovës është e sigurtë me të.
Të faleminderit për pritjen Edon.
Të priftë e mbara djalë”.