Trajneri francez, Zinedine Zidane, është një prej kandidatëve për ta zëvendësuar trajnerin e shkarkuar të Chelseat, Graham Potter.
Po ashtu, kandidat është edhe Mauricio Pochettino. Kështu ka njoftuar të hënën “Daily Mail”.
Potter u shkarkua për shkak të rezultateve të dobëta në sezonin aktual, ndërsa fituesi i trefishtë i Ligës së Kampionëve me Real Madridin, Zidane është, pa angazhim prej vitit 2021. Pa punë prej vitit të kaluar është edhe Pochettino. Ai së fundi ishte trajner te gjiganti francez PSG. Pochettino më herët ka punuar në Angli te Tottenhami dhe Southamptoni.