Zinedine Zidane mund të kthehet të punoj sërish te skuadra e Real Madridit. Kështu ka njoftuar të enjten “Foot Mercato”.
“Ardhja e tij mund të ndihmojë në bindjen e Kylian Mbappes për t’u bashkuar më në fund me ‘Los Blancos’”, shkruan sajti francez. Zidane ende nuk është angazhuar në asnjë skuadër, ndërsa emri tij përmendet rregullisht si kandidat për ta drejtuar PSG-në dhe Juventusin. Por, ai mund të kthehet të punoj sërish në Real Madrid, klub ku ka fituar të gjitha trofetë e mundshme. Aktualisht Realin po e drejton Carlo Ancelotti, i cili mund ta marr drejtimin e Përfaqësueses së Brazilit. 50-vjeçari nga Reali u largua në vitin 2021.