Përzgjedhësi i Zvicrës, Murat Yakin të mërkurën ka publikuar listën e futbollistëve të ftuar për dy ndeshjet kualifikuese të “Euro 2024” të këtij muaji.
Në listën e tij, Yakin ka përfshirë edhe futbollistë, ndërsa në mesin e tyre nuk mungojnë as shqiptarët. Yakin ka ftuar katër futbollistë shqiptarë, kapitenin Granit Xhaka, si dhe Xherdan Shaqirin, ArdoN Jasharin e Uran Bislimin.
Zviceranët të hënën e nisin grumbullimin për ndeshjet që do t’i luajnë me Kosovën dhe Andorrën. Dueli mes Kosovës dhe Zvicrës, zhvillohet më 9 shtator në stadiumin “Fadil Vokrri” në Prishtinë.
Ndërkohë, me Andorrën Zvicra do të përballet pas tri ditësh në Sion.
Zvicra i prinë Grupit I kualifikues me 10 pikë të mbledhura pas katër ndeshjeve të luajtura, duke e lënë pas vetes Rumaninë me 8 pikë e Izraelin 7.
Bjellorusia zë vendin e katërt me 3 pikë, sa i ka edhe Kosova që renditet e pesta. Ndërkohë, Andorra është e fundit në grup me vetëm një pikë të tubuar.