Kombëtarja e Zvicrës ka regjistruar fitoren e dytë radhazi në kualifikimet për Kampionatin Evropian “Euro 2024”.
Pas fitores ndaj Bjellorusisë, të përzgjedhurit e Murat Yakin sonte triumfuan ndaj Izraelit, në ndeshjen e vlefshme për xhiron e dytë në Grupin I.
Ndeshja e zhvilluar në stadiumin e Gjenevës përfundoi me rezultatin 3:0.
Ruben Vargas (39’) Zeki Amdouni (48’) dhe Silvan Widmer (52’) shënuan në fitoren e “Helvetikëve”.
Kapiteni Granit Xhaka në këtë ndeshje luajti për 90 minuta.
Zvicra pas kësaj fitore ka gjashtë pikë dhe prin në grup, por me pikë të njëjta me Rumaninë, si e dyta.
Izraeli është i pesti me vetëm një pikë.