Ardian Nuhiu është trajner i ri i skuadrës së Gjilanit.
Lajmin e ka bërë të ditur të dielën klubi gjilanas i futbollit.
Nuhiu e zëvendëson Gentjan Mezanin që drejtoi Gjilanin edicionin e kaluar.
45-vjeçari nga Shkupi, Nuhiu, së fundmi e ka drejtuar skuadrën shqiptare nga Maqedonia e Veriut, Shkëndija.
Ka drejtuar për kohë të gjatë rivalen e Gjilanit, Dritën. Ishte edhe në krye të Shkupit.
Nuhiu e njeh shumë mirë futbollin kosovar, ndërsa me angazhimin e tij Gjilani ka dëshmuar se ka synime të mëdha për edicionin e ardhshëm në Superligë.
Edicionin e kaluar Gjilani luftoi për mbetje në Superligë, pasi fillimisht i tejkaloi disa probleme të mëdha organizative e financiare.