Liria ka vazhduar me përforcime për sezonin e ri në elitën e futbollit kosovar.
Skuadra prizrenase ka blinduar edhe portën, duke nënshkruar me portierin shqiptar Arlis Shala.
Shala së fundmi ishte pjesë e Drenicës, teksa nga sezoni i ri do ta mbrojë portën e Lirisë së Prizrenit.
Njoftimi i plotë nga FC Liria:
Arlis Shala nënshkruan me Lirinë
Portieri, Arlis Shala ka nënshkruar me KF Liria.
Ai, është përforcimi i radhës, duke forcuar portën bardhezi.
“Jam i lumtur për marrëveshjen.Liria, është mundësi e mirë. Pres që krahas ngritjes profesionale, të arrijmë objektivat me klubin”, ka thënë shtatëlarti Shala.
Ndërkaq, pronari Rahman Kiqe, me këtë rast tha: “po e kompletojmë skuadrën transfer pas transferi. Do të bëjmë një ekip konkurues”, tha ai, duke shtuar se: “javën që vie, pritet arritja e futbollistëve cilësor, që do ta bëjnë dallimin”.
Ai, dy vitet e fundit ishte tek Kastrioti (Shqipëri) dhe Drenica.