Ylli i ri kosovar, Drilon Hazrollaj e ka kompletuar kalimin nga Malisheva te Rapidi i Bukureshtit. Këtë e ka bërë të ditur vet klubi rumun.
Në moshën 21-vjeçare, Drilon Hazrollaj ka nënshkruar kontratë me Rapidin e vlefshme nga vera deri në fund të sezonit 2027-2028, me mundësi vazhdimi edhe për një vit, ka shkruar Rapidi, raporton Ballkani.info.
“Jam shumë i lumtur që i bashkohem Rapidit, një klub me histori mbresëlënëse dhe tifozë të jashtëzakonshëm. Do të jap gjithçka për ekipin. Mezi pres të luaj për këta tifozë fantastikë. Shpresoj t’u dhuroj tifozëve shumë momente gëzimi!”, tha Driloni për Rapid TV.
Driloni ka arritur të shënojë 9 gola dhe 3 asistime për Malishevën këtë sezon. Në fakt, kosovari ka shënuar për Malishevën në ndeshjen e luajtur dje, më 28 mars, ndaj FC Suharekës.
Hazrollaj është pjesë e Kombëtares U21 të Kosovës. /Ballkani.info/
