Ferizaj ka nënshkruar zyrtarisht me futbollistin maqedonas, Jasmin Mecinoviq.
Lajmi është konfirmuar nga faqja zyrtare e klubit ferizajas në rrjetet sociale.
Mecinoviq luan si qendërmbrojtës dhe në të kaluarën ka luajtur në Sogndal IL, të Norvegjisë, Banats të Armenisë dhe në disa klube në Azi.
Në rajon kryesisht është paraqitur nëpër ekipet e shteteve si Maqedonia e Veriut e Mali i Zi.
“FC Ferizaj ka kënaqësi të ju informoj se ka arritur marrëveshje me qendërmbrojtësin e njohur nga Maqedonia e Veriut, Jasmin Mecinoviq. Mecinoviq vjen në Ferizaj pas një përvoje në klube të ndryshme të rajonit, ku çdo herë është karakterizuar me lidershipin e treguar në vijën e fundit”, thuhet ndër tjerash në njoftimin e klubit.
Ferizaj pas përfundimit të stinorit vjeshtor ka njoftuar largimin e disa lojtarëve kyç.
Ekipi bardhekaltër ndodhet në pozitën e fundit tabelore pas stinorit vjeshtor.