Sulmues i ri Hekuran Berisha, është zyrtarisht përforcimi më i fundit i Dinamo City në këtë afat kalimtar veror.
Sulmuesi 19-vjeçar ka nënshkruar kontratë me klubin kryeqytetas dhe i është bashkuar menjëherë skuadrës në fazën përgatitore që po zhvillohet në Ohër.
Berisha vjen nga skuadra e Dukagjinit në Superligën e Kosovës, ku sezonin e kaluar u paraqit me sukses, duke realizuar 11 gola në kampionat. Paraqitjet e tij kanë tërhequr vëmendjen e Dinamos, e cila e ka afruar nën urdhrat e trajnerit Ilir Daja.
Në klubin blu, Berisha shihet si një investim për të ardhmen, por edhe si element që mund të ndihmojë menjëherë në repartin ofensiv. Transferimi i tij vjen në një moment kur Dinamo synon të forcojë skuadrën për sezonin e ri dhe të garojë për objektiva të larta në elitën e futbollit shqiptar.
Kontrata me Dinamo City e lidh Berishën me klubin për sezonet në vijim, ndërsa lojtari ka nisur menjëherë punën për t’u përshtatur me ambientin dhe kërkesat e reja.