Tashmë edhe zyrtarisht, Matthijs de Ligt është bërë pjesë e Manchester Unitedit, duke plotësuar dëshirën e tij, që e kishte tash e dy muaj.
Klubi anglez ka nënshkruar me mbrojtësin holandez prej Bayern Munchen për shumën e 45 milionë eurove, plus pesë të tjera në bonuse.
De Ligt ishte pjesë e Bayernit për dy sezone me radhë, por që nuk gëzoi minutazhë të duhur, andaj edhe erdhi deri te ‘ndarja’.
Manchester United kishte pikërisht nevojë për lojtar në këtë pozitë, duke pasur parasysh se Raphael Varane u largua, derisa qendërmbrojtësit e tjerë po kalojnë në shumë lëndime.
Matthijs de Ligt në karrierën e tij ka djersitur fanellat e Ajaxit dhe Juventusit, para aventurës në Gjermani.