Pas 12 vjetësh, sulmuesi kosovar Xherdan Shaqiri është kthyer te skuadra zvicerane Basel. Lajmi është bërë i ditur të premten nga skuadra zvicerane. Shaqiri me Baselin ka nënshkruar kontratë trevjeçare.
“Më mbush me krenari dhe jam shumë i lumtur që sot mund të kthehem në vendlindje te Baseli. Unë kam qenë thellësisht i lidhur me klubin dhe rajonin që nga fëmijëria. Si tifoz dhe sigurisht edhe si lojtar. Përfundova stërvitjen time të futbollit në Basel dhe më pas arrita të nis karrierën time ndërkombëtare”, ka deklaruar Shaqiri për faqen zyrtare të Baselit.
Shaqiri karrierën si futbollist e filloi te Baseli në vitin 2007. Në vitin 2012, u largua nga Baseli për t’u transferuar te Bayern Muencheni. Shaqiri së fundmi ishte pjesë e Chicagos.