Zyrtare: Trepça e ndryshon kryetrajnerin brenda dy ditësh, e emëron turkun Gencoglu

Trajneri turk, Engin Gencoglu është emëruar trajner i ri i skuadrës së KB Trepçës.

Lajmin e ka bërë të ditur vetë skuadra mitrovicase në faqen e saj zyrtare në Facebook.

Gencoglu, së bashku me Ilir Selmanin pritet të sjellin vlerë të shtuar te skuadra e Trepçës, e cila pas një fillimi shumë të mirë, në javët e fundit ka një krizë të rezultateve.

Për këtë arsye, ditë më parë “Minatorët” i ndanë rrugët me trajnerin Aleksander Joncevski, ndërsa menjëherë vendosën që drejtimin e skuadrës ta marrë Ilir Selmani.

Ndërsa, sot kanë njoftuar se Gencoglu do të jetë në krye të shtabit teknik bashkë me Selmanin.

Pas javës së 18-të në Princ Caffe Superligën e Kosovës, Trepça renditet në pozitën e katërt me 27 pikë, me bilanc prej nëntë fitoresh e po aq humbje.