Ballkani do ta zhvillojë të enjten ndeshjen e radhës në fazën grupore të Ligës së Konferencës.
Skuadra nga Suhareka do të ndeshet me Sivassporin në “Eylul” me fillim nga ora 18:45.
Ndeshja në fjalë është e vlefshme për grupin G.
UEFA tashmë ka deleguar gjyqtarët për këtë ndeshje.
Spanjollit Jose Luis Munuera i është besuar ndarja e drejtësisë në këtë sfidë.
Munuera do të ndihmohet nga Inigo Prieta dhe Antonio Ramon Martinez Moreno, teksa gjyqtar i katërt do të jetë Jorge Figueroa Vazquez.
Ndryshe, pas dy ndeshjeve, Ballkani ka një pikë dhe renditet në vendin e tretë.