KF Vjosa e ka mposhtur me rezultat 2:1 në Shtime skuadrën e Ferizajt në ndeshjen e vlefshme për Ligën e Parë, Grupi A.
Ekipi i Ismet Munishit është mposhtur me rezultat minimal 2:1, duke regjistruar humbjen e tretë pas nëntë xhiros në kampionat.
Ferizaj ndodhet në vendin e katër me 14 pikë. Ndërkaq, Vjosa ndodhet në vendin e tretë me 19 pikë.
Pas ndeshjes, Munishi regjistroi një nga deklarimet më të shkurtra për media. Në 12 sekonda deklarim, ai tha se bëhet fjalë për një ndeshje të turpshme që luhet në ‘një batanijë’, duke iu referuar terrenit të stadiumit.
“Në shekullin 21 me lujtë në këso batanije futboll edhe me k’si referimi, është turpi ma i madh i botës që mundet me ekzistu”, tha ai.