Sulmuesi i krahut, Almir Kryeziu ka thënë se Ballkanit i mungoi fati në ndeshjen kundër Astanas.
Ballkani u mposht me rezultatin e ngushtë 2:1 nga ekipi i Kazakistanit, i cili shënoi fitoren e parë pas dy humbjeve në Grupin C të Ligës së Kampionëve. Kryeziu tha se Ballkani krijoi raste të shumta shënimi në duelin e luajtur në stadiumin “Fadil Vokrri”, por shtoi se përball kishte një kundërshtar të fortë.
“Bëmë një ndeshje të mirë dhe krijuam shumë raste, por fati na mungoi. Duhet pranuar se përball kishim një kundërshtar të fortë dhe nuk ishte lehtë. Mirëpo, mungesa e fatit na penalizoi me këtë humbje. Kemi qenë të motivuar për Astanan edhe pse e kemi ditur se do të jetë vështirë. Iu qasem me seriozitetin më të madh, por nuk kishim fat. Në Kazakistan do të shkojmë për fitore”, ka paralajmëruar Kryeziu, i cili asistoi në golin e shënuar nga Edvin Kuç. /GazetaSport