Interi duket i pandalshëm në Serie A. Skuadra zikaltër ka mposhtur në udhëtim Atalantën me rezultat 2:1 për të vazhduar kështu sigurt drejt titullit të kampionit.
Hakan Calhanoglu nga pika e bardh shënoi në fund të pjesës së parë për rezultatin 0:1, ndërsa Lautaro Martinez ishte ai që shënoi golin e fitores në minutën e 57-të.
Atalanta u mundua ta rikthej e rezultatin, por arriti vetëm të shënojë një gol.
Golin e vetëm për vendasit e shënoi Gianluca Scamacca në minutën e 61-të.
Atalanta po ashtu mbeti me një lojtar më pak, pasi Rafael Toloi u ndëshkua me të kuq në minutat e fundit të ndeshjes.
Berat Gjimshiti luajti 90 minuta në këtë ndeshje, derisa Asllani hyri në lojë në minutën e 86-të.