Agim Ademi, president i Federatës së Futbollit të Kosovës, është i tronditur me lajmin e vdekjes në fushë të futbollistit të Egnatia nga Rrogozhina, Raphael Dwamena.
“Thellë i tronditur dhe i pikëlluar nga ndarja e parakohshme nga jeta e futbollistit të Egnatias, Raphael Dwamena, në ndeshjen e kampionatit shqiptar, Egnatia – Partizani.
Ky rast tragjik ka tronditur opinionin e futbollit jo vetëm në Shqipëri, por edhe në Kosovë e kudo në botë.
Në emër të FFK-së dua t’i shpreh ngushëllimet më të sinqerta familjes së futbollistit, bashkëlojtarëve të tij dhe stafit të KF Egnatia, si dhe Federatës Shqiptare të Futbollit në këto momente të vështira.
Rest in peace Raphael Dwamena!”, ka shprehur ngushëllime Ademi.