Real Madrid ka mundur 2:0 Granadan e Myrto Uzunit në javën e 15-të të La Liga-s dhe është kthyer në krye të kampionatit spanjoll.
Një gol për pjesë i ka dhuruar tri pikët skuadrës së Carlo Ancelotti-t. Brahim Diaz (26′) dhe Rodrygo (57′) kanë shënuar për Los Blancos. Uzuni ka qenë në fushë për 64 minuta, por nuk ka arritur të lërë shenjë.
Real Madrid ndan kreun me Girona-n, që sot ka marrë një fitorje të rëndësishme 2-1 me përmbysje në shtëpi kundër Valencia-s.
Gjithçka është vendosur në 45 minutat e dytë. Duro ka kaluar në avantazh Los Che në minutën e 56-të, por dygolëshi i Stuani-t (82′, 88′) në gjashtë minuta i ka dhuruar tri pikët. /GazetaSport