Pritej një fitore e madhe e kampionëve të Copa Libertadores dhe ajo erdhi. “Tri kolorët” e Fluminense triumfuan në “King Abdullah Sports City” të Jedahut, ndaj “Faraonëve” egjiptianë të Al-Ahly, në gjysmë-finalen e Botërorit të Klubeve, me edicionin e vitit 2023, që po zhvillohet në Arabinë Saudite.
Skuadrës së Marcelo e Felipe Melo i mjaftuan dy gola në pjesën e dytë, fillimisht nga anësori i sulmit, John Arias, në minutën e 71’-të të sfidës dhe më pas nga “fantazisti” i mesfushës John Kennedy, në minutën e 90’-të, për t’i çuar fituesit e Copa Libertadores, në finalen e madhe të këtij kompeticioni.
Tashmë, “gjigantët” e futbollit brazlian do të presin fituesin e sfidës, Urawa-Manchester City, me “Qytetarët” e Pep Guardiola-s, që shihen haptazi si favoritë për fitimin e këtij trofeu, me finalen e madhe, që do të zhvillohet mbrëmjen e së premtes, në “King Adbullah Sports City”.