Pronari i klubit të futbollit rumun, Craiova, Adrian Mititelu ka bërë të ditur se janë në negociata për transferimin e mbrojtësit kosovar, Arian Kabashi.
27-vjeçari është pa skuadër, ndërsa së fundi ishte pjesë e Lahtit në Finlandë. Më herët karrierë ka bërë te skuadra e Sionit.
“Kemi negociata me një qendërmbrojtës të huaj. Jemi në fund të diskutimeve, por derisa nuk ka nënshkrim, ju e dini”, ka thënë Mititelu për gazetën “Sporturilor”.
Klubi rumun më herët ishte në bisedime për transferimin e mbrojtësit të Ballkanit, Lumbardh Dellova. Marrëveshja nuk është arritur. Kabashi më herët ka luajtur tetë ndeshje për Kosovën U21.