Pas një sherri të madh në tribunat e ndeshjes mes Brazilit dhe Argjentinës, e cila u zhvillua në ndeshjen kualifikuese për Botërorin 2026, FIFA ka reaguar dhe ka dënuar pjesëmarrësit.
Përleshja ka ndodhur para fillimit të lojës, e cila ka shkaktuar një vonesë prej 27 minutash.
Për këtë, Brazili si “organizator i keq” u detyrua të paguante 50 mijë franga, ndërsa argjentinasit u gjobitën me 20 mijë për “mungesë rregulli dhe disipline”.
Po kështu, argjentinasit janë të detyruar të investojnë 50 mijë franga për edukimin e tifozëve të tyre kundër diskriminimit.
Argjentinasit janë aktualisht të parët në tabelën kualifikuese me 15 pikë në gjashtë ndeshje, ndërsa Brazili është i gjashti me vetëm shtatë pikë.