Federata e Futbollit e Kosovës ka organizuar koktejin tradicional të fundvitit me gazetarët sportivë, duke krijuar një ambient miqësor dhe vlerësues për ata që çdo ditë i japin zë, emocion dhe kuptim futbollit në vend.
Presidenti i FFK-së, Agim Ademi, theksoi rolin thelbësor që kanë gazetarët sportivë në zhvillimin dhe promovimin e futbollit, duke i cilësuar ata si urën lidhëse mes sportistëve dhe publikut, zërin e së vërtetës në momentet e vështira, kritikët që nxisin reflektim dhe motivuesit që, përmes raportimeve korrekte, e mbajnë gjallë frymën e garës.