Arbër Zeneli ka startuar te Reimsi që barazoi 1:1 në udhëtim me Montpellierin.
Sulmuesi i Kosovës luajti deri në minutën e 77-të të ndeshjes së xhiros së 15-të të Ligue 1 të Francës, që u zhvillua të dielën mbrëma.
Golat u shënuan në minutat e fundit. Në minutën e 87-të, Reimsi kaloi në epërsi 1:0 me golin e shënuar nga Marshall Muntesti.
Montpellieri barazoi në minutën e 91-të. Realizator ishte Sacha Delaye. Reimsi është i 11-ti me 17 pikë. Ndërkohë Edon Zhegrova qëndroi në stol te Lille që fitoi 1:0 ndaj Angersit.