Futbollisti i Kosovës, Betim Fazliji, e ka humbur edicionin aktual.
Ai është lënduar rëndë në gju, dhe do të mbetet jashtë fushës së gjelbër për pjesën e mbetur të edicionit.
Lajmi është bërë i ditur të enjten në mbrëmje nga skuadra e St. Gallenit zviceran.
”Betim Fazliji e ka lënduar seriozisht gjurin në stërvitje dhe do të jetë jashtë fushës për pjesën e mbetur të sezonit. I urojmë Betimit shërim të shpejtë nga thellësia e zemrës”, ka shkruar St. Galleni të enjten.
Fazliji i mungoi Kosovës në ndeshjet kualifikuese të Evropianit në këtë muaj.
24-vjeçari ka zhvilluar 14 ndeshje gjithsej në këtë edicion dhe ka shënuar një gol e një asistim në të gjitha garat.