Drita e ka fituar derbin e xhiros së dhjetë të Superligës së Kosovës në futboll. Skuadra gjilanase fitoi ndaj Llapit me rezultatin 1:0. Ndeshja u zhvillua të dielën në stadiumin “Zahir Pajaziti” në Podujevë, në ambient të bukur sportiv.
Sfida u vendos në minutën e 81-të, kur realizoi Almir Ajzeraj. Në fakt goditjen e parë të Ajzerajt e ndali Ilir Avdyli. Por topi i kthye te lojtari i Dritës që nuk dështoi në tentimin e dytë.
Raste kishin të dy skuadrat, por Drita mori pikët e rëndësishme.
Me fitore, Drita del në pozitën e dytë me 21 pikë nga nëntë ndeshje.
Llapi bie në vendin e tretë me 19 pikë nga dhjetë ndeshje.