Galatasaray e ka fituar derbin ndaj Besiktasit, me rezultat 2-1, në kuadër të xhiros së 12-të në Superligën e Turqisë.
Golin e parë në ndeshje e ka shënuar Mauro Icardi, në minutën e 18’, pas një asistimi nga Baris Yilmaz.
Besiktasi e barazoi rezultatin pas 10 minutave me anë të Cenk Tosun, derisa me këtë rezultat pëfundoi pjesa e parë.
Në pjesën e dytë, Icardi shënoi edhe njëherë në minutën e 59’, me një asistim të Sergio Oliveiras.
Mysafirët deri në fund të ndeshjes u munduan ta gjenin golin e barazimit, por pa mundur dot.
Në këtë ndeshje ka luajtur për 90 minuta ylli kosovar, Milot Rashica, duke e zhvilluar një super ndeshje. Miloti tashmë ka zënë vend në 11-shen e parë të Galatas dhe po kalon formë të jashtëzakonshme.
Galatasaray pas fitores kalon në vendin e dytë me 24 pikë, pas 12 ndeshjeve, derisa Besiktasi në vendin e pestë me 22 pikë. /Gazeta Sport/