Përzgjedhësi i Kombëtares së Kosovës, Primoz Gliha ka folur një konferencë për media para ndeshjes mes Andorrës dhe Kosovës.
Andorra dhe Kosova do të përballen të enjten me fillim nga ora 20:45 në kuadër të kualifikimeve për Kampionatin Evropian 2024.
Trajneri slloven vlerësoi ekipin e Andorrës, duke thënë se ata kanë mentalitet të fortë dhe kjo bën që ndeshja të jetë e vështirë.
“Andorra është një skuadër shumë e vështirë të luhet kundër tyre. Gjatë karrierës time kam luajtur disa herë me ekipet nga Andorra. Ato ishin takime të vështira. Kanë mentalitet të vështirë lojtarët e Andorrës. Duhet të shohim si po shkojnë gjërat nesër. Ne jemi gati për këtë takim” – tha Gliha.
Në anën tjetër sulmuesi, Albion Rrahmani ka thënë se do të japin maksimumin për të marrë pikë të plota.
“Nesër na pret një ndeshje e vështirë. Do ta japim maksimumin gjithë lojtarët. Do ta ndihmojë ekipin në objektivat e saj. Besoj se do të kthehemi aty ku e kemi vendin. Është ndeshje e rëndësishme për ne” – tha Rrahmani në konferencë për media.
Kosova është pa gjasa në Grupin C të kualifikimeve pasi renditet e parafundit me vetëm katër pikë të tubuara pas gjashtë ndeshjeve.
Andorra është e fundit me vetëm dy pikë gjithsej. /GazetaSport