Talenti i ri i Rijekës, Veldin Hodza (Veldin Hoxha), mund shumë shpejt ta veshë Kombëtaren e Kosovës.
Mediat kroate kanë bërë publik lajmin se FFK është duke tentuar që ta marrë në radhë e veta talentin e lindur në Dragash, madje flitet se vet përzgjedhësi Primozh Gliha do të udhëtojë drejtë Kroacisë për ta bindur yllin e Kombëtares U21 të Kroacisë, transmeton Ballkani.info.
“Trajneri i Kosovës Primozh Gliha së shpejti duhet të vijë në Rijekë për të biseduar me Hoxhën në mënyrë që të përpiqet ta bindë atë që të ndryshojë shtetësinë sportive”, shkruan mediumi kroat Index.hr.
Hoxha këtë sezon është bërë i rregullt në 11-shën e parë të Rijekës dhe kombëtares së të rinjve. Për Rijekën ka luajtur 16 ndeshje dhe ka shënuar një gol, ndërsa për kombëtaren U-21 ka shënuar dy gola në tri paraqitje. /GazetaSport/