Është hedhur shorti i “play-offit” për Euro 2024.
12 Kombëtare i kanë mësuar sot emrat e kundërshtarëve në shortin e hedhur në Nyon të Zvicrës.
Këto Kombëtare do të luftojnë për tri pozitat e mbetura të lira për Kampionat Evropian.
Deri tash dihen 21 ekipe që do të luajnë në garën që do të mbahet vitin tjetër në Gjermani, ndërsa tri vendet tjera do të dihen pas ndeshjeve që do të luhen në muajin mars të vitit 2024.
Nga shorti i hedhur sot dolën këto çifte: Polonia – Estonia, Uellsi – Finlanda, Izraeli – Islanda, Bosnja e Hercegovina – Ukraina, Gjeorgjia – Luksemburgu dhe Greqia – Kazakistani.